21 Qershor 2021
Mbahet ceremonia e shpërndarjes së kamioneve të fituar nga komunat bazuar në performancën e tyre të suksesshme në menaxhimin e shërbimeve të sektorit të mbeturinave, në kuadër të Garës për Mjedis të Pastër dhe skemat e Granteve të Performancës Komunale-Mjedis të pastër.
Në këtë ceremoni morrën pjesë përfaqësues të nivelit qëndror e lokal, ambasadori Gjerman në Kosovë z. Rohde, shefi i Seksionit të Bashkëpunimit në Zyrën e BE-së z.Brusa, ministri i Ministrisë së Mjedisit, Planifikimit Hapësinor dhe Infrastrukturës z.Aliu, ministrja e Ministrisë së Ekonomisë znj. Rizvanolli, ministri i Ministrisë së Administrimit të Pushtetit Lokal z.Krasniqi, përfaqësues të Kompanive regjionale të mbeturinave, GIZ SMS dhe KfW.
![](https://pamkos-ks.org/wp-content/uploads/2023/02/cer2-300x159.jpg)
Kompanitë Regjionale të Mbeturinave në nivel vendi në bashkëkoordnimin me komunat janë angazhuar dhe do të angazhohen gjdoherë, në përmirësimin e shërbimeve komunale përmes përmirësimit dhe rritjes së ofrimit të shërbimeve dhe eliminimin e deponive ilegale.
Kamionët që u dhuruan sot, do ndihmojnë KRM-të duke lehtësuar punën e tyre të përditshme në grumbullimin e mbeturinave, rritjen e shërbimeve komunale dhe ofrimin e shërbimeve më të mira për qytetar.
![](https://pamkos-ks.org/wp-content/uploads/2023/02/cer-3-300x200.jpg)
PAMKOS në emër të Kompanive regjionale falenderon Bashkimin Evropian, GIZ SMS dhe KfW në mbështetjen e vazhdueshme të sektorit të mbeturinave, si sektor i cili ka nevojë të përkrahet më shumë referuar kushteve të vështira të punës, flotës skajshmërisht të amortizuar dhe inkasimit të ulët.